‘De Molkwei Ekspress’ nije klip Douwe Dijkstra
Publisearre op 4 juni 2024
Douwe Dijkstra X Firma Draaijer&DeVries brengen Friestalige videoclip ‘De Molkwei Ekspress’ uit
Op tongersdei 6 juny wurdt it Frysktalige nûmer ‘De Molkwei Ekspress’ fan muzikant en performer Douwe Dijkstra mei fideoklip útbrocht. It is de soundtrack fan de teäterfoarstelling ‘Afhaalverhalen’ fan teäterselskip Firma Draaijer & DeVries. De foarstelling reizge yn april en maaie lâns fiif plakken yn Fryslân en gie oer de ferskate ytkultueren yn Fryslân. De kulinêre wrâldreis sette alle jûnen útein by it lokale Sineesk-Yndyske restaurant: de earste kennismakking foar in soad minsken mei út iten gean en ôfhelje. Under de foarstelling kaam it publyk yn ‘e kunde mei alle roken, kleuren en smaken fan Fryslân. It liet en de byhearrende fideo wie in wichtich ûnderdiel yn de foarstelling.
Douwe Dijkstra waard troch Firma Draaijer & DeVries benadere foar it meitsjen fan in liet oer de ‘ôfhelkultuer’ mar ek de kennismakking mei oare wrâlden fia it iten. Dêr ûntstie ‘De Molkwei Ekspress’ út. It giet oer in man dy ’t, kapot fan leafdesfertriet, moannenlang allinne mar op ‘e bank leit en syn pine besiket te fersêftsjen mei Sineeske ôfhelmielen, oant op in jûn it bakje babi pangang tsjin him begjint te praten en him meinimt op aventoer. De byhearrende fideoklip waard makke troch Ramon Haanhuis fan fideo & animaasjestudio Meemakers út Frjentsjer.
De klip is fan 6 juny ôf te sjen fia it kanaal fan Firma Draaijer&DeVries.
Kategory
Tags
Diel dit artikel!
Relatearre artikels
MARITA DE JONG - ‘Under de tsjinjende laach sitte in protte oare dingen’ In tsjinjend fak. Sa omskriuwt komponist en musikus Cees Bijlstra (56) [...]
HANS BRANS - Een festival van twaalf dagen om een nieuw artistiek leider welkom te heten - dat is een opmerkelijke, nooit eerder vertoonde openingszet. [...]
KARIN DE MIK - De enige Academie voor Popcultuur in ons land staat in Leeuwarden. De vierjarige hbo-opleiding stoomt studenten klaar tot zelfstandig ‘pop artiest’. [...]
