Arjan Hut – Bosk dat dreamt fan folle tûken
Publisearre op 4 juni 2024
It like wol as wist de nacht
myn namme noch
en it bêd werkende myn wurgens.
Sêft sloegen de tekkens om my hinne.
Driuwkeljend oer tsjustere rivieren
sliepte ik djipper as ea tefoaren de
beammen yn. Myn gedachten, stienne
swannen, liet ik achter.
Yn dit bosk, iepen as in flinter en feroarlik
as in gedicht, siedde ien yn plak fan ûnrêst
kalme fruchten. Tsjok oranje sop
dat lang op wangen plakt en fan it kin dript.
Bleate hannen stuts ik yn ’e waarme
ierde en fielde oan de woartels fan in wolk.
Achter de tûken wachte it sjongen fan fûgels.
De hiele nacht reinde it stjerren en mei
tûzen fuotten stampte ik
de lytse fjurren út.
(Bosk dat dreamt fan folle tûken is skreaun op fersyk fan de stifting BiodiverStiens en foardroegen by de iepening fan it Itenshôf oan de Griene Wei by Stiens op 11 maaie.)
Kategory
Tags
Diel dit artikel!
Relatearre artikels
Kategory: Poëzij
HANS PETER WESTIN - I Zelfportret met kroonpen Hij legt de taal op zijn palet en kneedt met staal de tussentint waarin zijn [...]
Kategory: Literatuer,Poëzij,Ynterview
HENK VAN DER VEER - Poëzij libbet yn Fryslân. Mar hoe stiet it der mei dy poëzij foar? Dêr sprekke dichters (m/f) har yn dizze [...]
Kategory: Literatuer,Poëzij
HARMEN WIND - BESIKING In beam draacht mear as er opnimt. Sa kin, wylst er al kroant ûnder syn eigen leaf, in kloft [...]